Business

header ads

TAKUKURU YAMKAMATA MWANAJESHI FEKI





Watuhumiwa  Felister Mathias Mawe,kushoto na  Sophia Chacha kulia

Taasisi ya Kuzuia na Kupambana na Rushwa TAKUKURU mkoani Mwanza,  imemkamata mwanamke aitwaye Felister Mathias Mawe, kwa tuhuma za kujifanya askari wa Jeshi la Wananchi JWTZ na kuchukua fedha kwa baadhi ya watu Jijini Mwanza ili awasaidie kupata nafasi ya kujiunga na jeshi hilo kupitia maofisa anaofahamiana nao.



Akitoa tarifa hiyo Mkuu wa TAKUKURU mkoani humo BW. Ernest Makale,  ameeleza kuwa  mtuhumiwa huyo alikamatwa baada ya kujipatia kiasi cha shilingi 240,000 kati ya shilingi 500,000 alizokuwa ameomba kutoka kwa mmoja wa walioomba kujiunga na JWTZ.



Amebainisha kwamba mtuhumiwa mmoja ambaye ni mstaafu wa JWTZ aitwaye Sophia Chacha amekuwa akimsaidia mtuhumiwa huyo kwa kumuunganisha na watu waliokuwa wakihitaji kujiunga na jeshi ambapo ili kupata nafasi hiyo mtuhumiwa amekuwa akihitaji kiasi cha shilingi 500,000.



Aidha Makale ameongeza kwamba TAKUKURU wilayani Misungwi imemfikisha mahakamani Katibu wa Idara ya Utumishi wa Waalimu TSD wilayani humo kwa kosa la tuhuma za kupokea rushwa shilingi 400,000 kutoka kwa Kitoki Mgaya ili asimchukulie hatua za kinidhamu kazini.

Mtuhumiwa alikamatwa Oktoba 10 mwaka huu katika hoteli moja iliyopo Kirumba Jijini Mwanza kufuatia mtego wa maofisa wa TAKUKURU.

Post a Comment

0 Comments