Business

header ads

KESI INAYOMKABILI SCORPION KUSIKILIZWA NOV 2, 2016



Mahakama ya Ilala Dar es salaam imemfutia shtaka la unyang’anyi kwa kutumia silaha linalomkabili mshtakiwa Salum Njwete maarufu kwa jina la ‘Scorpion’ anayetuhumiwa kumchoma kisu na kumtoboa macho, Saidi Mrisho.
Awali kabla ya kusomewa shitaka hilo Upande mashitaka uliiomba mahakama kuliondoa shitaka la unyanganyi wa kutumia silaha linalomkabili Salumu Njwete kwa nia ya kutotaka kuendelea na kesi hiyo .

Kutokana na ombi hilo hakimu anayesimamia kesi hiyo Adelf Sachole alikubaliana na ombi hilo kuliondoa shitaka hilo kwa kuzingatia kifungu cha 91 (1) ambacho kinampa mamlaka mkurugenzi wa mashitaka (DPP) kuondoa mashitaka muda wowote ilimradi kesi hiyo isiwe imetolewa hukumu. 

Baada ya saa kadhaa hakimu mwengine Frola Haule alifungua shitaka hilohilo la unyang’anyi kwa kutumia silaha linalomkabili Njwete kosa analodaiwa kulitenda mnamo September 6 2016 katika eneo la  Buguruni sheli Dar es salaam pamoja na kudaiwa kuiba vitu pamoja na fedha taslimu vyote vikiwa na thamani ya shilingi 476,000 mali ya Said Mrisho

Njwete  alikana mashitaka hayo nakesi hiyo imeahirishwa mpaka itakapotajwa tena November 2, 2016, mshitakia amerudishwa rumande kutokana na shitaka linalomkabili kisheria kukosa dhamana.

Post a Comment

0 Comments