Business

header ads

TANZANIA YAGUNDUA GESI ASILIA YENYE UJAZO WA TRILIONI 50.5

Mchumi wa Tanzania Prof. Ibrahim Lipumba
 Mkuu wa mkoa wa Mbeya Abbas Kandoro
Tanzania imegundua gesi asilia katika maeneo 19  ya mwambao na kina kirefu cha maji baharini ambayo ina ujazo wa trilioni 50.5.

Hayo yamesemwa jijini Dar es Salaam  na Mkuu wa   Mkoa wa Mbeya, Abbas Kandoro  wakati akifungua kongamano la wadau wa mafuta na gesi ambapo amesema Kati ya maeneo hayo  19 yaligundulika gesi  hiyo ,matano yanapatikana katika mwambao na 14 yapo katika kina kirefu cha maji baharini .


Mkuu wa Mkoa huyo amewataka wadau hao watumie muda wao kutoa maoni yatakayosaidia kuwa Sera ya Mafuta na Gesi asilia itakayowanufaisha watanzania pindi itakapoanza kutumika.

Kandoro ameongeza kuwa ni vema Sera hiyo ikasaidia Serikali kupata mapato yake yatakayotokana na Mafuta na Gesi asilia kwa ajili ya kuleata maendeleo mbalimbali kwa manufaa ya wananchi wake.

“Uandaaji wa sera hii ulipitia marejeo ya  nyaraka mbalimbali  ikiwemo sera ya petroli za nchi zilizogundua nishati ya  mafuta na gesi asilia zikiwemo Uganda,Ghana,Sierra Leone na Pakistani”.

Mpaka Oktoba mwaka jana (2013) Serikali ilikuwa imekamilisha sera ya gesi asilia ,hii ni kwa ajili ya kutoa muongozo wa kusimamia na kuendesha biashara ya gesi  asilia katika uchakataji,usafirishaji  na usambazaji”, alisema Kandoro.

Hata hivyo gesi iliyogundulika katika maeneo ya mwambao kama Songo songo na Mnazi Bay kwa sasa inatumika kufua umeme na pia kwa ajili ya matumizi ya viwandani,majumbani na kwenye magari.
Amesema  kuwa  Sera hiyo itazingatia na kuangalia kwa ukaribu suala la udhibiti wa mazingira ukomo wa uzalishaji wa rasilimali hiyo pale utakapoanza.

Kwa upande wake Mkuu wa Kitengo cha Jiolojia kutoka  Wizara ya Nishati na Madini Adam  Zuberi amesema lengo la sera hiyo ni kuhakikisha rasilimali ya gesi asilia inawanufaisha watanzania wote kwa  mapato yatakayopatikana katika maeneo husika  kwani asilimia 3 itabaki Halmashauri kwa  matumizi ya wananchi.

Naye Mwenyekiti wa Chama cha Wananchi (CUF),Prof. Ibrahim Lipumba  ameishauri Serikali kuwa makini katika makubaliano na makampuni yatakayochimba gesi katika mgawanyo wa mapato kama inavyoonyesha katika sera kuwa asilimia 60 ya mapato itapelekwa  Serikalini. Pia  umakini na uangalifu wa hali ya juu unahitajika kwenye makubaliano hayo.


Amesema matatizo yanayojitokeza hivi sasa katika uwekezaji na utafutaji wa mafuta na gesi katika maeneo mbali mbali hapa nchini ni usiri wa serikali katika kuingia mikataba na wawekezaji pamoja na kutowashirikisha wananchi kuona namna ya kupata sheria bora ya mafuta na gesi hapa nchini.


Post a Comment

0 Comments